नेपाःया शान्तिदूतपाखें हैटीइ हैजा: स्वास्थ्य अधिकारी
एपी/क्यारेबियन राष्ट्र हैटीइ स्वसः त्या स्वयां अप्वः मनूतय् ज्यान काःगु हैजाया जीवाणु दक्षिण एशियां वःगु खँ अमेरिकी स्वास्थ्य अधिकारीतय्सं धाःगु दु। अमेरिकी रोग नियन्त्रक विभाग कथं अप्वः थें ल्वगितय्त परीक्षण यायेगु झ्वलय् उमिके संक्रमण जूगु जीवाणु दक्षिण एशियाय् दुगु जीवाणु लिसें ज्वः लाः ।
नेपाःया शान्ति दूतया माध्यमं हैटीइ थुगु ल्वय्या जीवाणु थ्यंगु धइगु खँयात कयाः संयुक्त राष्ट्र संघं छानवीनया ज्या नं न्ह्याकूगु दु ।
हैटीया स्वास्थ्य मन्त्री एलेक्स लार्सेनं प्राणघातक थुगु ल्वय्या कारणं ल्वगितय् न्ह्यःने तकं वने थाकूगु खँ धाःगु दु। लार्सेनं नं जांच व परीक्षणं थुगु ल्वय्या जीवाणु हैटीं वःगु खँयात अस्वीकार याःगु दु। विश्वस्तरया व्यापार व वये-वने याइपिनिगु कारणं थुगु ल्वय्या जीवाणु छगू थासं मेगु थासय् न्यना वंगु खँ नं वय्कलं धयादीगु दु ।
मुख्य रुपं हैटीइ हैजाया जीवाणु मदुगुलिं नेपालं वःगु पुचःयात निशाना दयेकाच्वंगु दु। छाय्कि थुगु ल्वय् अप्वः थें नेपालय् जक अने दयाच्वंगु अधिकारीतय् दावी दु ।
