'सुनिश्चित आधार दुसाः माओवादी नेतृत्व स्वीकार'
नेपाली कांग्रेसं शान्ति प्रकृया, संविधान निर्माण व लोकतन्त्र प्रतिया सुनिश्चित आधार दुसाः माओवादी नेतृत्व नं स्वीकार जूगु खँ धाःगु दु ।
१५क्वःगु चरण लिपा नं प्रधानमन्त्री ल्यये मफेवं थौं च्वंगु कांग्रेस संसदीय दलया मुँज्यां यदि माओवादीं लोकतान्त्रि संविधान निर्माण दयेकीगु व शान्ति प्रकृयायात निष्कर्षय् थ्यंकेगु सुनिश्चित आधार ब्यूसाः प्रचण्डया नेतृत्व नं स्वीकार जूगु धाःगु दु ।
कांग्रेसं प्रधानमन्त्रीया उम्मेदवारी लितमकायेगु थःपिनिगु निर्णय पाय्छि जूगु धासें उम्मेदवारी शान्ति प्रकृया व संविधानया निंतिं जूगु धाःगु दु । कांग्रेस संसदीय दलया नेता नापं प्रधानमन्त्रीया उम्मेदवार रामचन्द्र पौडेलं थःगु उम्मेदवारी शान्ति प्रकृया व संविधान निर्माण सुनिश्चित यायेत जूगु धयादिल ।
प्रधानमन्त्रीया निर्वाचनय् सुनां नं त्याकेमफुगुलिं थः नं मबुगु धासें पौडेलं दलत दथुइ सहमति जुसाः उम्मेदवारी लितकायेगु धयादिल ।
