भ्रष्टाचारीतय्त कारवाही जुइ : प्रधानमन्त्री

प्रधानमन्त्री माधवकुमार नेपालं भ्रष्टाचारी न्ह्याम्हं जुसां कारवाही यायेगु खँ धयादीगु दु ।

ट्रान्स्परेन्सी इन्टरनेसनल नेपालया प्रनिधिमण्डलनाप थौं जूगु खँल्हाबंलाय् प्रधानमन्त्री नेपालं भ्रष्टाचारीतय् कारवाही यायेत सरकार तत्पर जूगु धयादिसें भ्रष्टाचारीतय्त कारवाही यायेगु प्रतिबद्धता प्वंकादीगु खः ।

ट्रान्सपरेन्सीया प्रतिनिधिमण्डल थौं प्रधानमन्त्री ज्याकू सिंहदरवार वनाः ट्रान्स्परेन्सी पाखें छुं दिं न्ह्यः जक सार्वजनिक याःगु प्रतिवेदनय् नेपाः भ्रष्ट देय्या धलखय् लाःगु धासें थौं प्रधानमन्त्री नेपालनाप भ्रष्टाचार म्हो यायेगु बारे सहलह याःगु खः ।