'संघीयतां देय् टुक्रा जुइमखु'

स्विट्जरल्याण्डया समामुख पास्कल ब्रुडेररं संघीयतां दय् टुक्रा मजुइगु बरु देय्यात सबल दयेकेत ग्वाहालि याइगु खँ धयादीगु दु ।

नेपाः भ्रमणय् दीम्ह पास्कलं सोमवाः नेपाःया सभासद्त नापया अन्तक्रिया ज्याझ्वःलय् थः थन स्वीट्जरल्याण्डया संविधान नक्कल याः धायेत मवयाःगु तर स्वीट्जरल्याण्डय् संघीयता पाखें देय् विकास जूगु व लोकतन्त्र नं बल्लागु धयादिल ।

नेपाः थंज्याःगु हे अनुभव स्वीट्जरल्याण्डं झिंछदँ न्ह्यः काये धुंकूगु धयादिसें वय्कलं संविधान निर्माण प्रकृया झन्झट पूर्ण ज्या जूसां थुकी इमान्दारीतापूर्वक ज्या यासाः थुकीया लिच्वः नं तसकं बांलाइगु धयादिल ।