राष्ट्रपति यादव नेपाः लिहांझाल

राष्ट्रपति डा. रामवरण यादव चीनया सांघाईलय् जूगु वर्ल्ड एक्स्पो २०१०या समापन ज्याझ्वलय् ब्वति कयाः सोमवाः बहनी येँय् लिहांझायादीगु दु ।

त्रिभुवन विमानस्थलय् थ्यनेवं पत्रकारत नाप खँल्हाबंला यानादिसें राष्ट्रपति यादवं थःगु सदभाव चीन भ्रमणपाखें नेपाः व चीनया स्वापु प्रगाढ यायेत ग्वाहालि जूगु धयादिल । अथेहे वय्क नापं चीन भ्रमणय् झाम्ह पर्यटन मन्त्री शरदसिंह भण्डारीं चीनं नेपालय् याकनं न्हूगु संविधान व शान्ति पलिस्था जूगु स्वये चाहे जूगु धयादिल ।

राष्ट्रपतियात लसकुस यायेत उपराष्ट्रपति परमानन्द झा, प्रधानमन्त्री माधवकुमर नेपाल लगायात उच्च अधिकारीत त्रिभुवन विमास्थल थ्यंकादीगु खः ।