आर्थिक सम्झौताया निंतिं प्रदेशयात केन्द्रया स्वीकृति आवश्यक
न्हूगु संविधानय् दुथ्याइगु नेपाःया थीथी प्रदेशं औद्योगिक व आर्थिक करार जन्य सम्झौता यायेत केन्द्रया स्वीकृति कायेमलीगु जूगु दु ।
संविधानसभाय् खनेदुगु विवाद ज्यंकेत निस्वंगु उच्चस्तरीय कार्यदलया सोमवाः च्वंगु बैठकं प्रदेशं थंज्याःगु सम्झौता यायेगु इलय् केन्द्रया अनुमति कायेमाःगु खँय् सहमति याःगु खः । बैठकं प्रदेया सुचूचिकृत क्षेत्राधिकार सन्धि व सम्झौता यायेगु इलय् प्रदेशया सहमति कायेमाःगु खँय् नं सहमति याःगु दु ।
अथेहे प्रधानसेनापतिया नियुक्ति मन्त्रिपरिषदया सिफारिसय् राष्ट्रप्रमुखं यायेगु व प्रधानसेनापतियात पदमुक्त नं मन्त्रिपरिषदया सिफरिसय् राष्ट्रप्रमुखं हे यायेगु सहमति जूगु खः ।
न्हूगु संविधानय् माओवादी लडाकु, जनयुद्ध थंज्याःगु खँग्वः छ्यलीगु वा मछ्यलीगु बारे धाःसा दलतय्सं सहमति यायेमफुत । अथेहे १८दँ च्वयेया फुक्क नागरिकतय्त अनिवार्य सैन्य तालिम बीगु बारे नं दलत दथुइ विवाद जूगुलिं थुकीयात संवैधानिक समितिलय् छ्वयेगु सहमति धाःसा याःगु दु ।
