स्वन्ति लिपा जक न्हूम्ह प्रम : ओली

नेकपा (एमाले)या वरिष्ठ नेता केपी शर्मा ओलीं आः तत्काल न्हूम्ह प्रधानमन्त्री वइगु सम्भावना मदुगु खँ धयादीगु दु । वय्कलं स्वन्ति लिपा जक प्रधानमन्त्री सहमतिया आधारय् जुइगु धयादिल ।

लच्छियंकया विदेश भ्रमण क्वचायेकाः सोमवाः येँय् थ्यंकादीम्ह नेता ओलीं सहमति मालेत विदेशय् वनेगु मखसें थनहे मालेमाःगु धयादिल । वय्कलं थः विदेशय् सहमति मालेत मवनाःगु धयादिसें थः एसियाली राजनीतिक दलतय् प्रतिनिधित्व यानाः छगू सम्मेलनय् ब्वति कायेत वनागु धयादिल ।