पौडेल १५क्वःगु खुसी बुत

नेपाली कांग्रेस संसदीय दलया नेता रामचन्द्र पोडेल सोमवाः प्रधानमन्त्री निर्वाचनय् १५क्वः खुसी बुगू दु । व्यवस्थापिका संसद अन्तर्गत १५क्वःगु चरणया निर्वाचनय् नं पौडेलं आवश्यक बहुमत हयेमफेवं बूगु खः ।

सोमवाः जूगु निर्वाचनय् पौडेलया पक्षय् ९६, विपक्षय् २ व तटस्थय् ३१ मत लाःगु खः । माओवादी व एमालें थौं नं निर्वाचन बहिष्कार याःगु खःसा मंकाः लोकतान्त्रिक मधेसी मोर्चा धाःसा तटस्थ च्वंगु खः ।

आः मेगू निर्वाचन कात्तिक १८ गते यायेगु निर्णय व्यवस्थापिका संसदया कार्य व्यवस्था समितिं याःगु दु ।