भारतीय राजदूतं प्रधानमन्त्रीयात नापलात

भारतीय राजदूत राकेश सुदं आइतवाः न्हिनय् प्रधानमन्त्री पुष्पकमल दाहाल प्रचण्डयात सिंहदरवारय् नापलानादीगु दु ।

प्रधानसेनापतियात स्पष्टिकरण माग ययेधुंकाः राजदूत सुदं प्रधानमन्त्रीयात पटक पटक नापलयेधुंकूगु दु । थौं नं राजदूत सुद व प्रधानमन्त्री प्रचण्डया दथुइ प्रधानसेनापतिया स्पष्टिकरण विषयलय् खँ जुगु ख: । बिहिवाः आवशयक परामर्शया निंतिं न्हूगु दिल्ली झायादिम्ह सुद शनिवाः नेपाः लिहांझायादीगु खः । भारतं सेनापतियात चीकेमज्यूगु अडान राजदूत सुद मार्फत तया वइच्वंगु दु ।

थौं हे प्रधानमन्त्री प्रचण्डं लिप्पांगु राजनीतिक परिस्थितिया बारे सहलह यायेत राष्ट्रपति डा. रामवरण यादवयात नं नापलानादीगु खः । अथेहे राष्ट्रपति नाप सहलह यायेधुनेवं प्रधानमन्त्री प्रचण्डं सिंहदरवारय् थः पार्टीया वरिष्ठ नेतातनाप परामर्श यानादीगु खः ।