वहःया पाँय्म्वः विमोचन
येँ (सन्ध्या टाइम्स)/न्हूदँ ११३१ या लसताय् भिंतुना गुथिपाखें पिकाःगु वहःया पाँय्म्वः म्हिगः छगू ज्याझ्वःया दथुइ प्रा. माणिकलाल श्रेष्ठं विमोचन यानादिल ।
भिंतुना गुथिया नायः सुशीलकाजी तुलाधरया सभापतित्वय् जूगु उगु ज्याझ्वलय् न्हूदँ समारोह समिति-११३१ या नायः विपेन्द्र महर्जन व छ्यांज्ये नरेशवीर शाक्यपिंसं नं न्ववानादीगु खः ।
थुगुसी पाँय्म्वहलय् किपा लाःम्ह बौद्धऋषि महाप्रज्ञाया बारे लाभरत्न तुलाधरं कनादीगु खःसा मिसा पुचःया नकिं सृष्टि तुलाधरं नुगःखँ प्वंकादीगु खः ।
ज्याझ्वलय् पुलांम्ह नायः विद्यासागर तुलाधरं सुभाय् देछानादीगु खः। दांभरि तारावीर सिंह तुलाधरं थुगुसी १५ ग्राम वहः दुगु पाँय्म्वःया मू ११५० तक तुइगु जानकारी बियादिल ।
