नेवाः सम्मेलन ख्वपय् याइगु
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिं वइगु मंसीर १७ गते ख्वपय् सांस्कृतिक र्याली यानाः नेवाः राष्ट्रिय राजनीतिक सम्मेलनया उलेज्या याइगु जूगु दु। उद्घाटन समारोह क्वचाये धुनेवं १७ व १८ गते निन्हुयंकं बन्द सत्र थिमिइ यायेगु निर्णय नं वंगु शुक्रवाः च्वंगु संघर्ष समितिया विस्तारित मुँज्यां याःगु दु। उगु सम्मेलनय् ६९ गू जिल्लाया नेवाः प्रतिनिधितय्सं ब्वति काइगु खँ सीदुगु दु ।
