थारू कल्याणकारिणी तराई बहुप्रदेशया पक्षय्

येँ (सन्ध्या टाइम्स)/दाङया घोराहीलय् जूगु थारू कल्याणकारिणी सभाया नीक्वःगु महाधिवेशनं तराईयात बहुप्रदेश दयेकेमाः धकाः माग याःगु दु। थरुहट नापं म्होतिं नं तराई लागाय् प्यंगू प्रदेश दयेकेमाःगु माग तयेगु खँ उगु सभाया निर्वतमान महामन्त्री नापं निर्विरोध जुयादीम्ह केन्द्रीय दुजः राजकुमार लेखीं कनादिल। उगु महाधिवेशनं थारू कल्याणकारिणी सभाया न्हूगु नेतृत्व नं ल्यल। आः उगु सभाया न्हूम्ह नायः चन्द्रकुमार चौधरी जुयादीगु दुसा सभाया न्हापांगु मुँज्या वइगु १७ व १८ गते येँय् जुइ धाःगु दु ।