बेलायतय् नेपाःमिया लाश
येँ (सन्ध्या टाइम्स)/ बेलायतया राजधानी लण्डनय् स्ववाः तक नं पत्ता लगे याये मफुगु छम्ह नेपाःमिया लाश लुया वःगु दु। अनया चेल्सिया खुसिया ह्युन्स्लो धाःगु थासय् लुया वःगु उगु लाश प्रहरीं यंकाः तयातःगु स्ववाः तक नं सुयागु धकाः पत्ता लगे याये मफयाच्वंगु खः। लिपा अन हे च्वंम्ह मेम्ह नेपाःमि उमेशराज मोक्तानं उगु लाश नेपाःमियागु हे खः धकाः म्हसीकूगु खः। सीम्ह मनू स्यांज्याया पकवादी गाविसय् च्वंम्ह ३५ दँया नेत्रबहादुर केसीयागु खः धकाः पत्ता जूगु दु ।
तर केसीया मृत्यु गय् यानाः जुल व वयागु लाश अन गय् यानाः लाः वल धइगु खँ धाःसा आः तक सी मदुनि।
केसीया छेँजःपिंसं वयागु लाश नेपाः हयाः अन्तिम संस्कार यायेगु इच्छा प्वंकूसां गरिबीया कारणं लाश नेपाः हये फइगु अवस्था धाःसा मदया च्वंगु खँ धाःगु दु ।
वयागु लाश छ्वया हयेगु लागिं अनया नेपाःमितय् संस्था एनआरएन�युकेपाखें ध्यबा मुंकेगु पहल यानाच्वंगु दु। पुचलं थुकिया लागिं दां ग्वाहालि यायेत नं इनाप याःगु दु ।
