जागरण मंचया दुजःपौ
येँ (सन्ध्या टाइम्स//नेवाः जागरण मञ्चं म्हिगः मञ्चया सल्लाहकार डा. महेशमान श्रेष्ठया ल्हातं नेवाःतय्त संगठित यायेगु आजु ज्वनाः दुजःपौ लःल्हात। जागरण मञ्चं फुक्क नेवाःतय्त संगठित यायेगु आजुकथं म्हिगः मञ्चया संस्थापनकालया संस्थापक कथं कयातःपिं ५० म्हेसित दुजःपौ लःल्हाःगु खः ।
ज्याझ्वः मञ्चया संयोजक सुजीव बज्राचार्यया सभापतित्वय् जूगु खःसा ज्याझ्वलय् नेवाः हकहित व नेवाः अधिकारया निंतिं नेवाःत संगठित मजुसे मगाःगु विचाः प्वंकादिल।
ज्याझ्वः लिपा मञ्चया थीथी कवः व कचाया दुजःपिं दुथ्याःगु विस्तारित मुँज्या च्वंगु खःसा मुँज्यां मञ्चया ज्याखँयात कयाः समिक्षा यात। अथे हे नेपाल संवत् ११३१ न्हूदँया लसताय् जुइगु थीथी ज्याझ्वः बारे नं सहलह जुल ।
