बजेट मवसाः आर्थिक संकट : प्रधानमन्त्री
प्रधानमन्त्री माधवकुमार नेपालं कात्तिक दुने नं बजेट मवसाः देय् आर्थिक संकटय् लाइगु ख्याच्वः हानं बियादीगु दु ।
अनेरास्ववियुं आइतवाः जनकपुरय् याःगु छगू ज्याझ्वलय् ब्वति कायेत जनकपुर थ्यंकादीम्ह प्रधानमन्त्री नेपालं पत्रकारत नाप खँल्हाबंला यानादिसें माओवादीं बजेट महेबमीगु धकाः कयाच्वंगु अडान त्वतेत इनाप यानादिल ।
प्यला न्ह्यः हे बजेट हयेमाःगु जूसां राजनीतिक गतिरोधया हुनिं आः तक बजेट हयेमफुगु धयादिसें कमचलाउ सरककारं बजेट हयेमदुगु खःसां आः देय्यात संटकय् लाकेगु पाखें बचे यायेत बजेट हयेमाःगु बाध्यता दुगु धयादिल ।
थ्वहे झ्वलय् बजेटया विषयलय् जुयाच्वंगु कचवंया बारे प्रधानमन्त्री नेपालं आइतवाः हे कानुन व्यवसायीत नाप सहलह यानादीगु दु । वय्कलं काम चलाउ सरकारं पूर्ण बजेट हयेगु कानुनी प्रकृयाया बारे कानुन व्यवसायीत नाप सहलह यानादीगु खः ।
प्रधानमन्त्री निवास बालुवाटारय् जूगु सहलहलय् कानुन व्यवसायीतय्सं थुकीया समाधान संसद पाखें हे मालेत प्रधानमन्त्री नेपालयात इनाप यानादीगु खः ।
