संविधान संशोधन यानाः बजेट हयेगु माओवादी प्रस्ताव

प्रमुख प्रतिपक्ष एनेकपा (माओवादीं) संविधान संशोधन यानाः बजेट हयेगु प्रस्ताव तःगु दु ।

संसद्या कार्यव्यवस्था परामश समितिया आइतवाः च्वंगु बैठकय् माओवादीं पूर्ण बजेट हयेगु अधिकार थ्व सरकार नाप मदुगु धासें अत्यावश्यक खर्चया निंतिं संविधान संशोधन यायेगु प्रस्ताव तःगु खः । माओवादीं सरकार निर्माण लगायत बजेटया खँ प्याकेजय् सहमति यायेफइगु खँ नं धाःगु दु ।

बजेटया बारे न्हापांगु खुसी सहलह जूगु कार्यव्यवस्था समितिया बैठकय् अर्थमन्त्री सुरेन्द्र पाण्डें कात्तिक दुने नं पूर्ण बजेट हयेमफुसाः देय् असफल जुइगु ख्याच्वः बियादिसें फुक्कसित बजेट हयेगु निंतिं ग्वाहालि यायेत इनाप यानादिल ।

बैठकय् मेमेगू दलया नेतातय्सं दक्वसियां नीति व ज्याझ्वः दुथ्याकाः कात्तिक दुने हे पूर्ण बजेट हयेमाःगु बिचाः प्वंकूगु खः ।