संघीयता बारे अध्ययन यायेत नेतात बेलायत पाखे

बेलायतया संघीय प्रणाली अध्ययन यायेगु निंतिं प्रमुख स्वंगू दलया स्वम्ह नेतात थौं बेलायत भ्रमणय् वंगु दु । उत्तरी आइरल्याण्डया शान्ति प्रकृाया, बेलायतया संसद व सरकार निर्माण नापं बिकास निर्माणया बारे नं नेतातय्सं अध्ययन याइगु ज्याझ्वः दु ।

बेलायत भ्रमणय् माओवादी न्वकू नारायणकाजी श्रेष्ठ 'प्रकाश', नेपाली कांग्रेसया महामन्त्री प्रकाशमान सिंह व नेकपा (एमाले)या छ्याञ्जे विष्णु पौडेल वंगु खः । अन स्वम्ह नेतातय्सं दक्षिण एसिया सम्बन्धी विदेश व राष्ट्रमण्डल ज्याकूया संसदीय उपमन्त्री अलिस्टेयर वर्ट, अन्तर्राष्ट्रिय विकास राज्यमन्त्र एलन डङकन व मेपिं उच्च अधिकारीत नं नापलाइगु ज्याझ्वः दु ।