'सम्झौता पालना यानादिसं, उम्मेदवारी लितकाइ'

नेपाली कांग्रेसया सभापति सुशील कोइरलां माओवादीं सहमति पालना याःसा प्रधानमन्त्रीया उम्मेदवारी लितकायेगु आश्वासन बियादीगु दु

कोइराला निवास महाराजगञ्जय् आइतवाः माओवादी नायः पुष्पकमल दाहाल 'प्रचण्ड' वनाः कांग्रेस सभापति कोइरालायात प्रधानमन्त्रीया उम्मेदवारी लितकायेत इनाप यानादीगु खः । वय्कलं कांग्रेस नेता रामचन्द्र पौडेलया उम्मेदवारी लितकयाः न्हूगु प्रक्रियाय् वनेमाःगु धयादिल ।

लिसःलय् सभापति कोइरालां माओवादीं न्हापा याःगु सम्झौता पालना मयायेकं उम्मेदवारी लितकायेमफइगु धयादिल । वय्कलं कांग्रेसं उम्मेदवारी लितकायेगु निंतिं तःगु प्यंगू बुँदाया बारे नं प्रचण्डयात कनादीगु खः ।