बजेट हयेमफयाः विकास निर्माण प्रभावित : प्रम

प्रधानमन्त्री माधवकुमार नेपालं बजेट हयेमफयाः देय्या विकास निर्माणया ज्या प्रभावित जुयाच्वंगु खँ धयादीगु दु ।

नेकपा (एमाले) क्षेत्र नं ३ पाखें स्वन्ति व नेपाल संवत् ११३१ न्हूदँया लसताय् याःगु भिंतुना कालबिला ज्याझ्वलय् प्रधानमन्त्री नेपालं बजेट हयेगु खँय् सुना नं पंग थने मज्यूगु धयादिसें बजेट अभावया हुनिं अर्थतन्त्र धराशायी जुइगु अवस्थाय् थ्यंगु धयादिल ।

बजेटय् राजनीतिकरण मयायेत इनाप यानादिसें प्रधानमन्त्री नेपालं बजेट हयेत ग्वाहालि यायेत दक्वसितं इनाप यानादिल ।