प्रमुख बाधक हे लडाकु व्यवस्थापन : रक्षामन्त्री

रक्षामन्त्री विद्या भण्डारीं माओवादीया लडाकुया व्यवस्थापन हे आः शान्ति प्रकृयाया निंतिं प्रमुख बाधकया कथं खने दुगु खँ धयादीगु दु । वय्कलं लडाकुत शिविरं पिनेवयाः शान्ति प्रकृयायात स्यंकेगु कुतः यानाच्वंगु द्वपं नं बियादिल ।

एमालेया गाँ कमिटिं शनिवाः नगरकोटय् याःगु भिंतुना कालबिल यायेगु ज्याझ्वलय् मन्त्री भण्डारीं लडाकुत अपहरण व हत्या थंज्याःगु ज्याय् संलग्न जुयाच्वंगु धयादिसें अज्याःगु ज्याखँ जुयाच्वंसां मानवअधिकारवादी संघसंस्थात सुम्क च्वनाच्वंगु प्रति आपत्ति प्वंकादिल ।

वय्कलं माओवादीं पुलांगु सहमति पालना मयागुलिं नं राजनीतिक गतिरोध ज्यंके मफुगु धयादिल ।