प्रधानसेनापतिया कारवाही बारे राष्ट्रपति-प्रधानमन्त्री खँल्हाबंला

प्रधानसेनापतियात कारवाही यायेगु विषयलय् राष्ट्रपति डा. रामवरण यादव व प्रधानमन्त्री पुष्पकमल दाहाल प्रचण्ड दथुइ खँल्हाबंला जूगु दु ।

आइतवाः शितल निवासय् जूगु खँल्हाबंलाय् राष्ट्रपति यादवं प्रधानसेनापतियात छुं नं कारवाही यायेवलय् संवैधानिक दायरा दुने च्वनाः ज्या यायेत प्रधानमन्त्रीं दाहालयात सुझाव ब्यूगु दु । वयेकलं संविधान व विद्यमान ऐनकानुन पिने वनाः छुं नं कारवाही यासा: उकीं संवैधानिक व कानुनी जटिलता उत्पन्न यायेफुगु सुझाव ब्यूगु खः ।

खँल्हाबंलाय् राष्ट्रपितं दक्वसियां विश्वास त्याकाः जक कारवाही प्रकृया न्ह्यनेयंकेत इनाप याःगु खसाः लिसलय् प्रधानमन्त्री प्रचण्डं नागरिक सर्वोच्चता कायम यायेगु ज्याय् सरकार ल्यूनेमवनीगु खँ धयादीगु खः ।