विषादी भण्डार चीकेत चक्का जाम

येँ (सन्ध्या टाइम्स)/विषादी भण्डार चीकेमाःगु माग यासें स्थानीय मनूतय्सं त्रिभवन राजपथ अन्तर्गत वीरगन्जया अमलेखगन्ज खण्डय् यातायात बन्द याःगु दु। विषादीं स्थानीय जनताया स्वास्थ्यय् बांमलाःगु लिच्वः लाकूसां चीकेगु कुतः मयाः धासें थौं सुथय् ७ निसें १० बजे तक राजमार्गय् यातायात बन्द याःगु खः। अनया कृषि सामाग्री संस्थानया गोदामया तयातःगु विषादी चीकेत सर्वोच्च अदालतं आदेश बीधुंकूसां सरकारं उकियात कार्यान्वयन मयाःगु द्वपं स्थानीय जनतां बिउगु दु ।