सेनापतियात कारवाही यासाः कांग्रेस सतकय् वनीगु
प्रमुख प्रतिपक्षी दल नेपाली कांग्रेसं माओवादी नेतृत्वया सरकारं प्रधानसेनापतिया कारवाही प्रकृया न्ह्यनेयंकूसाः सतकय् संघर्ष यायेगु निर्णय याःगु दु ।
माओवादीं सरकारयात दाउलय् तया नं कारवाही प्रकृया मदिकेगु निर्णय यायेवं कांग्रेसं कारवाही यासाः सतक आन्दोलन यायेगु निर्णय याःगु खः ।
आइतवाः सुथय् कांग्रेस सभापति गिरिजाप्रसाद कोइरालाया निवास महारजगंजय् च्वंगु बैठकं माओवादी सरकारं सेनाय् जक मखसें समग्र प्रजातन्त्रय् हे आक्रमण याःगु ठहर यासें प्रकृया न्ह्याकूसाः प्रजातन्त्र बचेयायेत सतकय् आन्दोलन यायेगु निर्णय याःगु खँ कांग्रेस प्रवक्ता अर्जुननरिसंह केसीं जानकारी बियादिल ।
बैठकं सरकारं याःगु निर्णय लित मकासाः िझंन्ह्यगू दलनाप जाना कांग्रेस न्ह्याः वनेगु निर्णय याःगु दु । अथेहे बैठकं सोमवाः सुथय् सर्वदलीय बैठक व मंगलवाः केन्द्रीय कमिटीया बैठक सःतेगु निर्णय याःगु दु ।
बैठकय् कांग्रेस सभापति कोइरालाया सहभागिता मदुसां नं कार्यवाहक सभापति सुशील कोइराला वरिष्ठ नेता शेरबहादुर देउवा लगायत नेतातय् उपस्थिति दुगु खः ।
