थारु कल्याणकारिणीया नायःलय् चन्द्रकुमार चौधरी

थारु कल्याणकारिणी सभाया २०क्वःगु महाधिवेशय् चन्द्रकुमार चौधरीं नायः पद त्याकादीगु दु ।

नायः पदया निंतिं शुक्रवाः जूगु मतदानय् १४३म्हसिनं मत कुर्कूगु खः । उकी मध्ये चौधरीया पक्षय् ६८ मत लाःगु खः । वय्कया निकतम प्रतिद्वन्दी ठाकुरसिंह थारुं ५८ मत हःगु खःसा धनीराम चौधीरीं १२ व सरस्वती चौधरीया पक्षय् ४ मत कुतुवंगु खः ।

उखे खुल्ला पाखेया केन्द्रीय दुजःलय् २२ जवना निर्विरोध निर्वाचित जूगु दु । खुल्ला पाखे ३१ जवानं उम्मेदवारी दर्ता याःगु खःसा लिपा मेपिंसं उम्मेदवारी लितकायेवं सहमति जूगु खः । मिस पाखे धाःसा ९ पदया निंतिं ११ जवानं नां दर्ता याःगु खःसां २म्हेसिनं नां लितकायेवं सहमति जूगु खः ।