बजेट मवसाः राष्ट्र असफल : पोखरेल

राष्ट्रिय योजना आयोगया उपाध्यक्ष जगदिशचन्द्र पोखरेलं याकनं बजेट मवसाः राष्ट्र असफल जुइगु ख्याच्वः बियादीगु दु ।

शुक्रवाः येँय् जूगु छगू साक्षात्कार ज्याझ्वलय् वय्कलं अन्तिम इलय् वयाः बजेट हयेगु ज्याय् पंगु थने मज्यूगु बिचाः प्वंकादिल । वय्कलं राजनीतिक विवादया कारणं बजेट हयेगुलि समस्या जुयाच्वंगु धयादिसें आथिक कारोवार बन्द जुसाः राष्ट्र असफल जुइगु धयादिल ।

देय् तसकं गम्भीर अवस्थाय् लानाच्वंगु धयादिसें पोखरेलं राजनीतिक दलत दथुइ सहमति जुयाः याकनं बजेट वइगु विश्वास प्वंकादिल । वय्कलं माओवादीयात बजेट हयेगुलि पंग मथनेत नं इनाप यानादिल ।