महोत्तरीलय् बन्द, जनकपुरय् बन्द लितकाल

महोत्तरी शिक्षा ज्याकूया नायव सुब्बा लालकिशोर झायात बिहीवाः ल्वाभःधारी पुचलं गोलीं क्येकाः स्याःगु विरुद्ध महोत्तरीया फुक्कं सरकारी ज्याकूत शुक्रवाः निसें अनिश्चितकालीन बन्द याःगु दु ।

जनकपुर नगरपालिका-७य् दुगु थःगु हे छेँय् गोलीं क्येकाः स्याम्ह झयात हत्यारायात ज्वनेमाःगु, सुरक्षाया ग्यारेण्टी यायेमाःगु, झाया छेँजःयात उचित राहत बीमाःगु माग यासें थीथी कर्मचारी संघ संगठनतय्सं अनिश्तिकालीन बन्दया आह्वान याःगु खः ।

उखे बस चालकयात दाःगु धासें बस व्यवसायीतय्सं निन्हु न्ह्यः निसें यानाच्वंगु जनकपुर बन्द लितकाःगु दु । बस व्यवसायी संघ, स्थानीय प्रशासन व पीडित छेँजःया प्रतिनिधि दथुइ म्हिग जूगु वार्ताय् स्वंगू बुँदे सहमति जुइवं बन्द लितकाःगु खः ।