थारु कल्याणकारिणीया नायः पदया निंतिं ६म्ह उम्मेदवार

थारु कल्याणकारिणी सभाया २०क्वःगु महधिवेशनय् न्हूगु नायः पदया निंतिं ६म्हेसिनं उम्मेदवारी दर्ता याःगु दु ।

दाङया घोराहीलय् निन्हु निसें न्ह्यानाच्वंगु महाधिवेशनय् निवर्तमान नायः अष्टभुजा चौधरी, ठाकुरसिंह थारु, अमृतप्रसाद खाँ, धनिराम चौधरी, चन्द्रकुमार चौधरी व सरस्वती चौधरी नं उम्मेदवारी ब्यूगु दु ।

अथेहे २५म्ह खुल्ला दुजःया निंतिं ३१म्हेसिनं उम्मेदवारी ब्यूगु दुसाः मिसातय् निंतिं दुगु ९गू सिटया निंतिं ११म्हेसिया उम्मेदवारी दर्ता जूगु दु । न्वकू, महामन्त्री व दांभरित धाःसा मनोनित जुइगु व्यवस्था दु ।

निर्वाचन थौं १ बजे जुइगु खँ धाःगु दु । महाधिवेशनं तराईलय बहुप्रदेश जुइमाःगु, प्राकृतिक स्रोत साधनय् स्थानीय जनजातितय् अग्राधिकार, राज्य संचालनय् थारु जातिया अग्राधिकार सहितया एजेण्डा ल्ह्वंगु दु ।