नायव सुब्बायात गोली
येँ (सन्ध्या टाइम्स)/जनकपुरया धनुषा जिल्ला शिक्षा कार्यालय वनाच्वंम्ह नायव सुब्बा लालकिशोर झायात थौं सुथय् म्हमसिउपिं मनूतय्सं गोलीं कयेकाः घाःपाः याना बिउगु दु। पगलबाबा धर्मशाला लागाय् छेँ दुम्ह वय्कः थःगु ज्याकूपाखे वनाच्वंगु इलय् जानकीनगर लागाय् सुथय् ९ बजेपाखे गोलीं कयेकूगु खः। गोलीं वय्कःयात प्वाथय् लाःगु खः ।
वय्कःयात जनकपुर अञ्चल अस्पतालय् वासः याके यंकूगु खःसां लिपा फिस्टेल एयरया हेलिकप्टरय् तयाः येँय् हःगु दु।
उगु गोली प्रहारयात तराईया राजन मुक्तिं नेतृत्व यानाच्वंगु जनतान्त्रिक तराई मोर्चां जिम्मा काःगु दु। मोर्चाया उज्जलं सचारकर्मीतय्त फोन यानाः जिम्मा काःगु खः ।
