बलात्कारी अबुयात ज्वन
म्याग्दी (सन्ध्या टाइम्स)/थः हे म्ह्याय्यात बलात्कार याःम्ह छम्ह मनूयात प्रहरीं ज्वंगु दु। स्थानीया बाबियाचौर ८ य् च्वंम्ह ५८ दँया धन बहादुर नेपालीं थः हे झिंनिदँ दुम्ह म्ह्याय्यात बलात्कार याःगु खः ।
जिल्ला प्रहरी कार्यालयया प्रहरी नायब उपरीक्षक नवराज भट्टं कनादी कथं थः हे म्ह्याय्यात बलात्कार याइम्ह अबु धनबहादुर नेपालीयात प्रहरीं म्हिगः बुधवाः ज्वंगु खः।
म्ह्याय्लिसे वं तःक्वःमछि हे शारीरिक स्वापू तयेधुंकूगु खँ सार्वजनिक जुइवं वयात प्रहरीं ज्वंगु खः ।
पीडित म्ह्याचं थःत अबुं ख्यानाः ताः ई न्ह्यवंनिसें बलात्कार याना वयाच्वंगु खँ प्रहरीयात कंगु दु। आः वयागु स्वास्थ्य परीक्षण जुयाच्वंगु दु ।
