माइक्रोय् बम मुयाः प्यम्ह घाःपाः
वुटवल (सन्ध्या टाइम्स)/भैरहवां बुटवलपाखे वयाच्वंगु छगः माइक्रोबसय् म्हिगः बम विष्फोट जुयाः प्यम्ह मनू घाःपाः जूगु दु। भैरहवां बुटवल वयाच्वंगु लु. १ ख ६६९४ नम्बरया माइक्रोबसय् सनिलया ५ बजेपाखे उगु बिष्फोट जूगु खँ प्रहरीं धाःगु दु ।
उगु विष्फोटय् लानाः माइक्रोबसय् च्वना वःपिं कपिलवस्तु गजेडाया देउमाया भुजेल, बुटवलया सुनिता पौडेल, रुपेन्देहीया शिव शर्मा व हेटौंडाया कुन्दन श्रेष्ठ गम्भीर रुपं घाःपाः जूगु दु। घाःपाः जूपिं सकसितं लुम्बिनी अञ्चल अस्पतालय् वासः याकातःगु दु। घटना लिपा बुटवल�भैरहवा सतक खण्डय् व्यापक रुपं सुरक्षाकर्मी परिचालन याःगु दु। विष्फोटया जिम्मा जनतान्त्रिक तराई मधेश मुक्ति मोर्चां काःगु दु ।
