माओवादी विस्तारितया बैठक हानं लिछ्यात

एकीकृत नेकपा (माओवादी)या विस्तारित बैठकं हानं लिछ्याःगु दु । कात्तिक २८ गते निसें गोरखाय् च्वनेगु धाःगु बैठक मुस्लिम धर्मालम्बितय् पवित्र नखः बकर ईद लाःगुलिं लिछ्याःगु खः । थ्व नापं माओवादीया विस्तारित बैठक लिज्याःगु स्वंगूगु खुसिइ खः ।

बिहीवाः च्वंगु माओवादी स्थायी समितिया बैठकं मंसिर ५ गते गोरखाया पालुङटारय् हे विस्तारित बैठक च्वनीगु कथं न्हूगु तिथि क्वःछिउगु खः । थ्वस्वयां न्ह्यः असोज ५ गते चितवनय् यायेगु धाःगु बैठक डेंगुया हुनिं कात्तिक १२ गते यायेगु निर्णय याःगु खः । कात्तिक १२ गते नं थीथी नखः लाःगु धासें कात्तिक २८ गते यायेगु निर्णय याःगु खः ।

अथेहे थौंया बैठकय् माओवादी नायः पुष्पकमल दाहाल 'प्रचण्डं' थःगु चीन भ्रमणया बारे जानकारी बियादीगु खः । नापं उगु बैठकय् बजेटया बारे नं सहलह जूगु खः ।