गोलीं क्येकाः नायव सुब्बाया हत्या

महोत्तरी शिक्षा ज्याकूया नायव सुब्बा लालकिशोर झायात बिहीवाः सुथय् अज्ञात पुचलं गोलीं क्येकाः स्यानाब्यूगु दु ।

बिहीवाः सुथय् जनकपुर नगरपालिका वडा नं ७ स्थित थःगु हे छेँय् च्वनाच्वंगु इलय् वय्कयात गोलीं क्येकूगु खः । गोलीं कयाः घाःपाः जूम्ह झायात वासः याकेत येँया टिचिङ अस्पतालय् हःगु खः । तर अस्पतालय् थ्यनेवं हे डाक्टरतय्सं वय्क मदुगु घोषणा याःगु खः ।

बिहीवाः हत्याया विरोधय् महोत्तरीया दक्वं सरकारी ज्याकू बन्द याःगु दु । घटनाया जिम्मेवारी राजन मुक्तिं नेतृत्व याःगु भूमिगत पुचः तराई मुक्ति मोर्चां काःगु दु ।