प्रचण्ड-डिलेसी खँल्हाबंला

नेपाली कांग्रेसया सभापति सुशील कोइरालायात नापलानादीगु छन्हु लिपा अमेरिकी राजदूत स्कट एच. डिलेसीं एनेकपा (माओवादी)या नायः पुष्पकमल दाहाल 'प्रचण्ड'यात नापलाना खँल्हाबंला यानादीगु दु ।

प्रचण्ड निवास न्हू बजारय् बिहीवाः सुथय् जूगु नापलाय् ज्याय् शान्ति, संविधान, लडाकू समायोजन व राजनीतिक गतिरोधया बारे खँल्हबंला जूगु खः । नापलाय् ज्याय् राजदूत डिलेसीं लडाकूत समायोजनया बारे विशेष च्यूताः प्वंकादीगु खः ।

अथेहे डिलेसीं राजनीतिक गतिरोधया कारणं शान्ति व संविधानय् लिच्वःगु लाःगु धयादिसें याकनं राजनीतिक दलत दथुइ सहमति यायेत माओवादी नायः प्रचण्डयात इनाप यानादीगु खः । लिसःलय् प्रचण्डं दलत दथुइ जुयाच्वंगु खँल्हाबंला सकारात्मक जूगु धयादिसें सहमति याकनं हे जुइगु विश्वास प्वंकादिल ।