निन्हुया न्हि नं जनकपुर बन्द

बस मजुदरयात दाःगु विरोधय् बस व्यवसायीतय्सं न्हिन्हुया न्हि बिहीवाः नं जनकपुर अञ्चल बन्द याःगु दु । बन्दया कारणं अनया जनजीवन प्रभावित जूगु दुसाः यातायात, कलकारखाना, शिक्षण संस्था आदि ठप्प जूगु दु ।

बन्दया कारणं जनकपुरं चले जुइगु ताः हाकःगु दुरीया यातायात प्रभावित जुइवं यात्रुतय्त लिच्वः लाःगु दु । बन्दकर्तातय्सं घटनाया बारे सत्यतथ्य छानबिन यानाः दायेगु ज्याय् संलग्न जूपिंत कारवाही यायेत माग याःगु दु । उमिसं थौं तक नं माग पूकवंसाः कन्हय् निसें पूर्व-पश्चिम राजमार्ग ठप्प यायेगु ख्याच्वः ब्यूगु दु ।

वंगु असोज २१ गते महोतरीया पिपराय् बसया ठक्करं छम्ह सर्वसाधारण सीवं अनया स्थानीयतय्सं बस चालक रतिराम मिश्रायात दाःगु खः ।