दलतय्त गम्भीर जुइत प्रमया इनाप
प्रधानमन्त्री माधवकुमार नेपालं देय् अझ नं जटिल अवस्थां पिहांवयेमफुगु धयादिसें थुकीपाखें निकास बीत दलतय्त गम्भीर जुइत इनाप यानादीगु दु । थारु कल्याणकारिणी सभाया २०क्वःगु महाअधिवेशनया बुधवाः दाङय् उलेज्या यानादिसें प्रधानमन्त्री नेपालं दलत दथुइ गम्भीर सहलह हे जुइमफुगुलिं देशय् जटिलता कायम हे दुगु धयादिल ।
वय्कलं तक्वः हे प्रधानमन्त्री निर्वाचन जुसां न्हूम्ह प्रधानमन्त्री ल्ययेमफुलिं दुःख प्वंकादिसें तत्काल दलत दथुइ सहमति यानाः न्हूम्ह प्रधानमन्त्री ल्ययेमाःगु धयादिल । वय्कलं थ्व अवस्था अझ ताःहाक जूसाः देशय् संकट ब्वलनीगु नं धयादिल ।
ज्याझ्वलय् उपप्रधानमन्त्री विजयकुमार गच्छदार, कांग्रेस संसदीय दलया नेता रामचन्द्र पौडेल, एमाले महासचिव ईश्वर पोखरेल, माओवादी नेता देव गुरुङ, नेपाल आदिवासी जनजाति महासंघया अध्यक्ष राजकुमार लेखी लगायतं नं न्ववानादीगु खः ।
