गतिरोध चीकेगु बारे अमेरिकी राजदूतया च्यूताः

अमेरिकी राजदूत स्कट एच. डिलेसीं जारी राजनीतिक गतिरोध चीकेत राजनीतिक दलत दथुइ जुयाच्वंगु कुतःया बारे च्यूताः प्वंकादीगु दु ।

नेपाली कांग्रेसया सभापति सुशील कोइरालायात मंगलवाः सुथय् नापलानाः दलत दथुइ जुयाच्वंगु सहलहया बारे राजदूत डिलेसीं च्यूताः प्वंकादीगु खः । लिसःलय् सभापति कोइरालां दलत दथुइ संवाद जुयाच्वंगु व याकनं हे निकास पिहांवइगु विश्वास प्वंकादिल ।

कोइराला निवास महाराजगञ्जय् जूगु खँल्हाबंलाय् राजनीतिक गतिरोध चीकेगु नापं शान्ति व संविधानया बारे नं सहलह जूगु खः ।