प्रधानमन्त्रीया चीन भ्रमण स्थगित
प्रधानमन्त्री पुष्पकमल दाहाल प्रचण्डया थ्वहे वैशाष १९ गतेनिसें जुइत्यंगु चीन भ्रमण स्थगित जूगु दु ।
देशय् खनेदुगु राजनीतिक अस्थिरतां याना भ्रमण स्थगित यायेमाःगु खँ प्रधानमन्त्रीया प्रेस सल्लाहकार ओम शर्मां धयादिल । सेनापतिया स्पष्टिकरण प्रकरण बारे दलत दथुइ असमझदारी कायम जुयाच्वंगु ईलय् प्रधानमन्त्रीया विदेश भ्रमण उपयुक्त मजूगुलिं प्रधानमन्त्रीया चीन भ्रमण स्थगित यायेमाःगु खँ प्रेस सल्लाहकार शर्मा धयादिल ।
प्रधानमन्त्रीया चीन भ्रमणया ईलय् नेपालं स्वंगु जलविद्युत परियोजना निर्माण, कृषि विश्व विद्यालय निस्वनेगु, पूर्व-पश्चिम पहाडी मार्ग, स्वंगू उत्तर-दक्षिण करिडोर, विना भन्सार नेपालया सामान चीनय् प्रवेश व अस्पताल देयेकाबीत चीन सरकारयात इनाप यायेगु तयारी जूगु खः । भ्रमणया झ्वलय् न्हूगु मैत्री सन्धि व सुपुर्दर्गी सन्धिलय् नं हस्ताक्षर याइगु ग्वसाः ग्वःयातःगु खः ।
थ्वस्वयां न्ह्यः ओलम्पिकया समापन समारोहलय् ब्वति कायेत प्रधानमन्त्रीं चीन भ्रमण यानादीधुंकूगु दु ।
