कमाण्डरत बिदाय् च्वनाच्वंगु खः : अनमिन

नेपाः स्थित राष्ट्रसंघीय मिसन अनमिनं चीन भ्रमणया इलय् माओवादी लडाकूया कमाण्डरत बिदा च्वनाच्वंगु खँ धाःगु दु ।

कमाण्डरतय्सं याःगु चीन भ्रमण प्रति आपत्ति प्वंकूसें सरकारं अनमिन नाप फ्वंगु जानकारीया लिसलय् अनमिनं माओवादी लडाकूया कमाण्डरत बिदाय् च्वनाच्वंगु व उगु बिदाय् इमिसं छु यात धइगु बारे अनमिनं मस्यूगु धाःगु दु ।

लडाकूतय्सं छेँ वनेत बिदा काये दुगु स्पष्ट यासें अनमिनं उगु इलय् लडाकूत गन वनी वा छु याइगु धइगु बारे अनमिनं जानकारी तयेगु आवश्यकता मदुगु धाःगु दु ।

सरकारं लडाकूत विशेष समितिया मातहत मवनीगु इलय् समितियात छुं सूचं हे मब्यूसें चीन भ्रमणय् वंगु गैरकानुनी जूगु ठहर यासें अनमिननाप जानकारी माग याःगु खः ।