'माओवादीया सरकार असम्भव'
येँ (सन्ध्या टाइम्स)/ वाणिज्य व आपूर्तीमन्त्री राजेन्द्र महतों एकीकृत माओवादीया नेतृत्वय् सरकार दयेकेगु असम्भव खः धयादीगु दु। थौं सुथय् वीरगन्जय् पत्रकारतलिसे सहलह ब्याकेगु झ्वलय् वय्कलं अथे धयादीगु खः ।
मन्त्री महतों संविधान निर्माण, शान्ति प्रकृया व सरकार गठनय् माओवादीं हे पंगः थनाच्वंगु द्वपं बिसें गुगु नं हालतय् माओवादी नेतृत्वया सरकार वइ मखु धयादिल ।
वय्कलं शान्ति प्रक्रिया पूरा मजूतले संविधान निर्माण जुइ मखु धयादिसें मधेस आन्दोलन व जन आन्दोलनयात ततःधंगु स्वंगू दलं उपेक्ष याःगु द्वपं नं बियादिल। मन्त्री महतों मधेशी जनअधिकार फोरम सत्ताय् वनेगु निंतिं मधेशी मोर्चायात तछ्यायेगु दाउ म्हिताच्वंगु खः धकाः नं धयादिल ।
