थौं अर्थहीन १३ क्वःगु प्रमया चुनाव

येँ (सन्ध्या टाइम्स)/न्हूम्ह प्रधानमन्त्री ल्ययेगु नितिं धकाः थौं नं संसदय् अर्थहीन चुनाव यायेत्यंगु दु। प्रधानमन्त्रीया नितिं थौं जुइगु थ्व १३ क्वःगु चुनाव खः। थौंया चुनावय् नं प्रधानमन्त्रीया निंतिं नेपाली कांग्रेस संसदीय दलया नेता रामचन्द्र पौडेल याकःचा उम्मेदवार जुयादीगु दु। थौंया चुनावय् नं न्हापालिपा थें हे संसदया दुईतिहाई सिबें अप्वः सांसदतय्सं उम्मेदवारी लित कयाः न्हूगु प्रक्रिया कथं न्ह्याः वनेत माग यासें चुनावी प्रक्रिया हे बहिष्कार याइगु जूगु दु ।