न्हूदँया तिथि मंकाः खलःया वेबसाइटय्

येँ (सन्ध्या टाइम्स)/नेपाल संवत्या तिथिमिथिइ एकरुपता वयेमा व सकस्यां अःपुक तिथि काये फयेमा धकाः नेपालभाषा मंकाः खलकं थुगुसी ने.सं. ११३१ न्हूदँया तिथि थःगु वेबसाइटय् उपलब्ध याःगु दु। खलःया वेब साइट mankakhalah.org.np पाखें थ्व तिथि न्ह्याम्हेस्यां नं निःशुल्क काये फइ। मंकाः खलकं थुगु तिथि छ्यलाः क्यालेण्डर, पात्रो आदि पिकाइपिं खलः पुचःतय्सं उकिया जानकारी खलःयात बीत व प्रकाशित सामग्रीइ मंकाः खलःया नां उल्लेख यायेत नं इनाप याःगु दु ।