शिक्षा निर्देशनालय हेटौंडाय्
येँ (सन्ध्या टाइम्स)/मध्यमांचल क्षेत्रीय शिक्षा निर्देशनालय आः येँनं मकवानपुरया हेटौंडाय् ल्ह्यइगु जूगु दु। निर्देशनालया निर्देशक बलराम केसीं कनादी कथं थ्वहे वइगु स्वन्ति लिपा हे उगु निर्देशनालययात हेटौंडाय् सारे यायेगु निर्णय जुइधुंकूगु दु ।
हेटौंडा वनीगु मध्यमांचल क्षेत्रीय शिक्षा निर्देशनालयपाखें मकवापुर नापं बारा, पर्सा, रौतहट, सर्लाही, धनुषा, महोत्तरी, धादिंग व चितवनया ज्या जुइ। मेगु झिगू जिल्लाया ज्या धाःसा सानोथिमिं हे याइ। निर्देशनालयपाखें विद्यालय दर्ता, तह थप, शिक्षक नियुक्ति, सरुवा, जिल्ला शिक्षा कार्यालयया अनुगमन, प्रमाणपत्र बीगु थेंज्याःगु ज्या याना वयाच्वंगु दु ।
