नेपालय् भ्रष्टाचार अप्वल
वंगु दँ स्वयां थुगु दँय् नेपालय् भ्रष्टाचार अप्वःगु प्रतिवेदन सार्वजनिक जूगु दु । ट्रान्सपरेन्सी इन्टरनेशनलं थौं छगू पत्रकार सम्मेलन यानाः सार्वजनिक याःगु 'भ्रष्टाचार अवधारणा सूचकाङ्क २०१०'य् नेपाः भ्रष्टाचार याइगु धलखय् अझ क्वये लाःगु दु ।
थुगु दँय् २.२ अंक प्राप्त याःगु नेपाल १४६औं स्थानय् लाःगु दु । दच्छि न्ह्यः नेपाः १४३ स्थानय् लाःगु खः । ३ अंक स्वयां क्वयेया ल्याः हइपिं भ्रष्ट राष्ट्रया धलखय् लाइगु प्रावधान कथं नेपाः आः उगु धलखय् लाःगु दु ।
अझ दक्षिण एसियालय् नेपाः दकलय् भ्रष्ट राष्ट्र जूगु दु । दक्षिण एसियालय् नेपाः धुंकाः पाकिस्तान व बंगलादेशं नं भ्रष्ट राष्ट्रया धलखय् लाःगु दु । हलिमयन्यंकया १७६ राष्ट्र मध्येया लिच्वः कथं सोमालिया दकलय् अप्व भ्रष्टाचार जुइ देय् जूगु दुसाः दकवय् म्हो भ्रष्टाचार जुइगु देशय् डेनमार्क लाःगु दु ।
