देउवा केन्द्रीय दुजलय् मनोनित

नेपाली कांग्रेसया वरिष्ठ नेता नापं १२क्वःगु महाधिवेशनय् सभापति पदया उम्मेदवार शेरबहादुर देउवायात पार्टीया केन्द्रीय दुजलय् मनोनयन याःगु दु ।

मंगलवाः पार्टी सभापति सुशील कोइरालां देउवायात केन्द्रीय दुजःलय् मनोनयन याःगु पौ छ्वःगु खः । उगु पौ कांग्रेसया मुख्य सचिव रामचन्द्र पोखरेलं देउवायात वय्कया हे बुढानिलकण्ठय् च्वंगु छेँय् वनाः लःल्हाःगु खः ।

कांग्रेस विधान कथं १६म्ह केन्द्रीय दुजःत सभापति पाखें मनोनयन याये दइगु प्रावधान कथं सभापितं देउवायात दकलय् न्हापां मनोनयन याःगु खः । अथेहे सभापतिं निर्वाचित केन्द्रीय दुजः पाखें छम्ह उपसभापति व छम्ह महामन्त्री मनोनयन यायेफइगु व्यवस्था दु ।