थ्वहे सरकारं पूर्ण बजेट हइ : गच्छदार

उपप्रधानमन्त्री विजयकुमार गच्छदारं वर्तमान कमाचलाउ सरकारं हे पूर्ण बजेट हइगु दावी यानादीगु दु । वय्कलं देशय् आर्थिक संकट वयेमबीत सरकार गम्भीर जूगु नं धयादिल ।

रौतहटया सदरमुकाम गौरस्थित कर्मचारी मिलन केन्द्रं मंगलवाः ग्वसाःग्वःगु पत्रकार सम्मेलनय् मन्त्री गच्छदारं देय् आर्थिक संकटय् लाइगु खतरा दुगुलिं थ्वहे सरकारं पूर्ण बजेट पेश यायेगुया बिकल्प मदुगु धयादिल । वय्कलं यदि थुकी प्रमुख प्रतिपक्षी माओवादीं सहमति मप्वंकूसां माओवादीयात याकःचा यानाः जुसां पूर्ण बजेट हयेगु धयादिल ।

उखे बजेटया बारे प्रधानमन्त्री माधवकुमार नेपाल व सभामुख सुभाषचन्द्र नेम्वाङ दथुइ थौं सुथय् प्रधानमन्त्री निवास बालुवाटारय् खँल्हाबंला जूगु दु ।