प्रम नेपालयात नर्वेजीयन समकक्षीया पौ

प्रधानमन्त्री माधवकुमार नेपालयात नर्वेजीयन समकक्षी जेन्स स्टोल्टेवर्गं छपू पौ च्वयाः नेपालं बाल मृत्युदर म्हो यायेगु व मातृ स्वास्थ्य सुधारय् उल्लेख्य प्रगति याःगु प्रति लसता प्वंकादीगु दु ।

उगु पौलय् संयुक्त राष्ट्रसंघं सन् २०१५ तकया निंतिं निर्धारण याःगु सताब्दी विकास लक्ष्यय् नेपाःया बाल मृत्युदर म्हो यायेगु व मातृ स्वास्थ्य सुधारय ज्याझ्वः अर्न्तगत नेपालं उल्लेख्य प्रगति याःगु खँ न्ह्यथनातःगु दु ।

नेपाःया निंतिं नर्वेया राजदूत थोर गिसलेसेनं सोमवाः नर्वेया प्रधानमन्त्री स्टोल्टेनवर्गया पौ नेपाःया प्रधानमन्त्रीयात लःल्हाःगु खः । प्रधानमन्त्रीया ज्याकू सिंहदरवाय् वनाः पौ लःल्हायेगु झ्वलय् नर्वेया राजदूत गिसलेसेन व प्रधानमन्त्री नेपाल दथुइ निगू पक्षीय हितया बारे नं सहलह जूगु खः ।