विकि लिक्सया मेगु खुलासा अमेरीकी सेना गुलि अपराधी खः

अमेरिकी (एपीएफ)

नांजाःगु वेभसाईट विकीलिक्सं अमेरीकी सेनां ईराक युद्धया इलय् याःगु युद्ध अपराधया घटनात सार्वजनिक याःगु दु । थ्व स्वयाः न्ह्यः अफ्गानिस्तानय् निर्दोष मनूत स्याःगु लगायतया द्वलंद्वः गोप्य दस्तावेज सार्वजनिक यायेधुंकाः नैतिक संकटय् लाःगु अमेरीकी प्रशासनया निितं ईराक युद्ध सम्वन्धि मेगु गोप्य दस्तावेज सार्वजनिक जुइधुंकाः थप क्षति जूगु दु । वंगु बहनी सार्वजनिक याःगु द्वलंद्वः पृष्ठ ताःहाकःगु दस्तावेजय् ईराकी जनतादथुइ अमेरीकी सेनां याःगु अमानवीय व्यवहार कैदीतय्त ब्यूगु यातना लगायतया विवरण कःघानाःतःगु दु ।

अमानवीय व्यवहार जुयाःच्वंबलय् अमेरीकी सैनिक कमाण्डरत धाःसा सुम्क च्वनेगु यानाच्वंगु विकिलिक्स्ं न्ह्यःथनातःगु दु । दस्तावेजयाकथं ज्वंपिं ईराकी नागरिकतय्त करेन्ट ज्वंकाः यातना बिइगु व गोलीं कयेकाः स्यायेगु याःगु खः । सन् २००३ सं अमेरीकां ईराकय् आक्रमण यायेधुंकाः छगू लाख गुद्वः मनूतय्त स्याःगु खः गुकिइ ख्वीखुद्वः व च्यय्छम्ह सर्वसाधारण जनता जूगु उगु दस्तावेजय् च्वयातःगु दु ।

विकिलिक्सया सम्पादकं थ्व दस्तावेज अमेरीकी युद्ध अपराधया प्रमाण जूगु प्रतिकृया नापं ब्यूगु दु । तर अमेरिकां धाःसा अनलाइनया उगु पलाः मछाला पुस्से च्वंक जूगु प्रतिकि्रया ब्यूगु दु ।

More Stories Like this