छगू दर्जन गाडी च्याकल
थरुहट संयुक्त संघर्ष समितिं याःगु तराई बन्द थौं नं जारी दु । बन्दया कारणं दांग बाँके, बर्दिया, कैलाली, काचनपुर, बारा, पर्सा, सिराहा, सप्तरी आदि जिल्लाय् यातायात ठप्प जुयाच्वंगु दुसा बजाः कलकारखाना व शिक्षण संस्था नं बन्द जुयाच्वंगु दु । थ्वहे झ्वलय् समितिया कार्यकर्तातय्सं बन्दया अवज्ञा याःगुलि सुनसरीइ छगू दर्जन स्वयां अप्वः गाडीइ मि तया बिउगु दु ।
