उच्चस्तरीय कार्यदलया म्याद झिंछन्हुं थप

संविधानसभा दुनेया विवादित विषयत ज्यंकेगु निंतिं गठन जूगु उच्चस्तरीय कार्यदलया म्याद झिंछन्हुं थप याःगु दु ।

संविधानसभा दुने प्रतिनिधित्व दुगु २७गू राजनीतिक दलया बैठकं कार्यदलया म्याद थप यायेगु निर्णय याःगु खः । कार्यदलया लिप्पांगु न्हि थौं संविधानसभा भवन न्हू बानेश्वरय् च्वंगु बैठकं कार्यदलयं आः तक याःगु प्रगतिया बारे समिक्षा यानाः म्याद थप याःगु खः ।

संविधानसभाया अध्यक्ष सुभाषचन्द्र नेम्वाङया पहलय् वंगु असोज २८ गते माओवादी अध्यक्ष पुष्पकमल दाहाल 'प्रचण्ड'या नेतृत्वय् ७म्ह दुजः दुगु कार्यदल गठन याःगु खः । संविधानसभाय् २५० स्वयां अप्वः विषयलय् दलत दथुइ अझ नं विवाद दनीसाः विवाद ज्यंकेत गठन जूगु कार्यदलं शासकीय स्वरुप अन्तर्गत ९गू विषयलय् सहमति याःगु खः ।