'शान्ति व संविधानयात निष्कर्षय् थ्यंकेत प्रेसया भूमिका महत्वपूर्ण'

राष्ट्रपति डा. रामवरण यादवं शान्ति व संविधानयात निष्कर्षय् थ्यंकेत नेपाःया प्रेसया भूमिका महत्वपूर्ण जुइगु खँ धयादीगु दु ।

वर्ल्ड प्रेस काउन्सिल कार्यसमितिया बैठकय् ब्वति कायेत नेपालय् दुगु वर्ल्ड प्रेस काउन्सिलया प्रतिनिधित नाप खँल्हाबंला यानादिसें राष्ट्रपति यादवं नेपालय् प्रजातन्त्र वहालीया निंतिं प्रेसं म्हितुगु भूमिकाया बारे चर्चा यानादिसें आः शान्ति व संविधान निर्माण यायेगु ज्या जुयाच्वंगुलिं थुकीयात नं निष्कर्षय् थ्यंकेत प्रेसया भूमिका अझ अप्व दइगु धयादिल ।

राष्ट्रपति ज्याकू शितल निवासय् जूगु खँल्हाबंलाय् वर्ल्ड प्रेस काउन्सिलया पुचलं नेपाली प्रेसया अवस्था, प्रेसय् जुयाच्वंगु हस्तक्षेप व हस्तक्षेप नापं न्हूगु संविधानय् दुथ्याकीगु प्रेस स्वतन्त्रता सम्वन्धी प्रावधान बारे च्यूताः प्वंकूगु खः ।